لەنێوان (گەرم) و (سەردە) دا طیباقیش و تەناسوبیش هەیە، لەنێوان (دەردە) و (سەردە) شدا جیناسی لاحیق هەیە.

واتە: به دەست شەشدەری هات و نەهاتەوە گیرم خواردووە و هەرگیز بێ تۆ لەم دەردە ڕزگار نابم.

لەنێوان (شەشدەر) و (نەرد) دا تەناسوب هەیە.

نەردە (« پەراوێزی » چر): هەردە. (چن) و (ک) و (مز) و (من): دەردە.

واتە: بەهۆی دووریی تۆوە هەرچی نیشانه‌ی خەم و خەفەتە تیامدا کۆبووەتەوە: جلی شینی ئازیەتباریم لەبەردایە و خەریکی گریان و شینم و فرمێسکی خوێن له چاوم ئەڕوا و ڕەنگم زەرد هەڵگەڕاوە.
له ڕستە (لیباسم ماتەمە) دا زیادەڕەوییەکی زۆر جوان هەیە، چونکه وا ئەگەیەنێ ماتەم به جۆرێ داگیری کردووم بۆم بووە به جل و بەرگ.

لە نێوان (ماتەم) و (شین) دا به هەردوو مەعناکەی و، که نێوان (شین) و (سوور) و (زەرد) دا تەناسوب هەیە. نالییی ئەوەشی مەبەست بووە کەوا (سوور) که مەعنای (شایی) ـیش ئەگەیەنێ، بەرابەر به (شین) ـدانێ که واتە گریان، هەرچەند ئەو مەعنایەشی مەبەست نەبوە.

ماتەمە (چن) و (عم) و (کم) و (گم) و (ت) و (مز) و (اح) و (من) و (خا): ماتەم و. (ک): ماتەمە و. له شنیدام (چن): لە شیندا. بەم پێیە پەیوەندی به نیوەی دووهەمی بەیتەکەوە ئەبێ، سوورە (کم) و (گم): سوور و.

و ا تە: ئازیزەکەم ! دڵم ڕەقە و بۆم نەرم نابێ و، خۆیشم به تەنهام و دەرەقەتی دڵ نایەم. بۆیە ئەترسم مادەم تۆم لەگەڵ نەبیی ئەم دەردی دڵە بێ تۆ بمکوژێ.
ئەشگونجێ مەعنای بەیتەکە بەم جۆرە لێک بدەینەوە کەوا: یار دڵی ڕەقە و نابێ بەلاما و منیش بەتەنهام بۆ خۆم، ئەنجا شاعیر وەرچەرخێ و ڕووی دەمی بکاتە یار و بڵێ: ئەترسم ئەم دەردی دڵڕەقیی تۆ و دوورییە له تۆ، بێ تۆ، بمکوژێ.

دڵڕەقە و (چن) و (ک): دڵڕەق و. دەترسم (گم) ئەترسم.

واتە: دیداری تۆم لەبەرچاودا نەبێ زمانم گۆ ناکا قسە بکەم، بۆیە خۆیشم سەرم سووڕماوە چۆن ئەم چەندە فەردە بێ تۆ هەستاونەتەوە و به ڕێك و ڕەوانیی بۆم وتراون.