واتە: ئەم حوجرە کون تێدا بووە کەوا منی له چوار چێوەی خۆیدا گلداوەتەوە، ئەوەندە وێران و شەق و شڕە، تان و پۆی ئەڵیی تەنراوی جالجاڵۆکەیه، بنیادەم به ئاسانیی ئەتوانێ لێی دەرباز ببێ، بەڵام حوکمی زۆر و ناچارییە لە منی کردووە به داو و ناتوانم بەجێی بهێڵم.
مامۆستا شێخ بابەڕەسووڵی عەبابەیلێ ئەگێڕایەوە کەوا ئەم بەیتە تاکی پارچە شیعرێکی درێژه. دوور نییە هەر هیی نالییی بێ. ئەگەر ئەم پارچە شیعرە بدۆزرایەتەوە لەوانە بوو ئەم پارچە‌یەی ئێرەشمان زیاتر بۆ ڕوون بووایەتەوە.
ئەبێ ئەم حوجرەیە حوجرەی مزگەوتی کوێ بووبێ وا نالییی به دەستیەوە هاواریەتی؟ بۆ وەڵام دانەوەی ئەم پرسیارە ئەبێ بگەڕێینەوە سەر ئەو ئاگادارییە کەمەی هەمانە لەبارەی ئەو شوێنانەوە نالییی تێیاندای خوێندووە. دیارە حوجرەی خانەقای مەولانا نییە، چونکه خانەقا سەرەڕای ئەوە که بەگوێرەی باری ئەو ڕۆژه‌ی کوردستان کۆلکە زانکۆیەک بووە بۆ خۆی، نالییی خۆیشی له نامەکەیدا بۆ سالم یەجگار زۆر به شان و باڵیا دێ و، بەتایبەتی به شانازی باسی حوجرەکەی خۆی تیا ئەکات. زیاد لەوە لە بەیتی دووهەمیشدا باسی ئاگردانی ناوحوجرەکە و دووکەڵی به دۆرنج بووی میچەکەشی ئەکا که پیا شۆڕ بووتەوە خوارەوە، ئەشزانین له زستانی سولەیمانیدا خەڵوز گەشکردنه‌وە باو بووە، نەک ئاگر کردنەوەی ناو ئاگردان. دووریشە له سنە بووبێ، چونکه حوجرەکانی ئەو سەردەمەی سنەیش حوجرەی پۆشتە و پەرداخ بوون و ئاگریان له بوخاریدا تیا کراوەتەوە. له سەرێکی کەشەوە که نالییی باسی گەرمای بەتینی هاوینی ئەو شوێنه و سەرمای سەختی زستانی ئەکا، دڵنیا ئەبین کەوا نه سولەیمانییە و نه سنەییە. کەواتە ئەبێ حوجرەی مزگەوتی کوێرە دێیەک بووبێ. ئەگەر لەبەرئەوە نەبوایه که نالییی خۆی له دوا بەیتەکاندا باسی (دووکان) و (جەڕراح) و (طەبیب) ئەکا که وا ئەگەیەنن شوێنەکە ئاوەدانیەکی پێشکەوتوو بووە، لەوانەبوو بڵێین باس باسی مزگەوتی خەرپانییە که نالییی لەوێ له‌لای زانای گەورە شێخەوڵای خەرپانیی خوێندوویەتی و هاوڕێی موفتی زەهاویی و مەلا یاسینی تەشاریی و مەلا یۆسفی تەوێڵەیی بووە، نەخوازەڵا که باسی گەرما و سەرماکەشی بۆ خەرپانیی دەست ئەدا چونکه خەرپانیی زستانێکی سارد و هاوینێکی گەرمی هەیە و شیعرێکیش لەم بارەیەوە هەیە ئەڵێ:
گرجهنم بود چو خرپانی
( وَ قِنا رَبَّنا عَذابَ النَّارِ)
واتە , ئەگەر دۆزخ وەک خەرپانیی بێ، خوایه بمانپارێزه له ئاگرتی دۆزەخ.
هەرچۆن بێ ئێستا ناتوانین بڕیار بدەین حوجرەی کوێ بووە و، مەگەر لەمەوپاش به تەواویی بۆمان ڕوون بێتەوە.

له نێوان (قەفەس) و (گرتوومیە) و (داو) دا تەناسوب هەیە.

تار و پۆیی (عم) و (کم ) (ت) و (مز) و (عب) و (اح) و (خا): تار و پۆدی. (ک): دار و پەردووی. عەنکەبووتە (چر) و (چن) و (عم) و (کم) و (گم) و (ت) و (عب) و (من) و (خا) و (خب): عەنکەبووتی. زۆرە (ک) و (اح): زۆری. لێی کردوومه داو (عم) و (گم) و (خب): لێی کردووم به داو.

واتە: دووکەڵی سەر میچی حوجرە که که بووە به دۆرنج و به دار و پەردووەکانیدا شۆڕ بووەتەوە، ئەڵێی گوڵەنگی داڕزاوی دەسرازە کۆنە به غەوارەی بێشکەدا شۆڕ بووەتەوە. بان و دیوارەکانیشی ئەڵێی بێشکەیەکن پارچەکانی شکابێ.
نالییی لەم بەینەدا وێنەیەکی جوانی پیشان داوە که فەقێکانی له بێدەسەڵاتیدا بەرابەر بەو ژوورە شەق و شڕە، کردووە بە ساوای بێدەسەڵاتی پێچراوەی ناو بێشکە. زیادەڕەوییەکی وردیشی کردووە که حوجرەکەی شوبهاندووە به بێشکەی شکاو چونکه تەنانەت بێشکەی ساغیش سەربان و دیواری ئەوەندە نییە ڕێی هیچ بگری، جا نەخوازەڵا بێشکەکە شکابێتیش..

سەرمیچی (اح) و (« پەراوێزی » خا): میچی سەر. گوڵه‌نگی (چن) و (ک): گوڵەنگەی. (خا) گوڵەنگە. لانکەی (چر) (عم) و (کم ) و (گم) و ( مز) و (عب ) (اح) و (من): لانکی. ئەشگونجێ لانکەی بێ.

ژماردنی داری میچ واتە ڕایەڵ له ژووری هوودەوە شتێکی ئاسان و عادەتییە، بەڵام له سەربانەوە ناکرێ، چونکه داپۆشراوە. جا نالییی ئەڵێ بانی حوجرەکە‌ی ئێمە خۆڵ و قوڕ و تەنکه بەرد وردە داری بەسەرەوە نەماوە، تەنها هەر ڕایەڵەکانی و هیچی تر. بۆیە ئەتوانی هەر له سەربانەوە داربەداری ڕایەڵەکانی بژمێری وەک لا پەراسووی ئێسترێکی لەڕ و لاواز که هیچ گۆشتی پێوە نەبێ و هەر بەناو زیندوو بێ و به تەنها دەست پیا هێنانی بتوانی پەراسووەکانی له یەک جیا بکەیتەوە !

بارگیرێکی (چر) و (خا): کۆنە ئەسپێکی. له (« پەراوێزی » چر) یشدا هەر: بارگیرێکی.

ه کوردستانا عادەتە که باران ئەبارێ و خانوو دڵۆپە ئەکا، کای پیا ئەکەن و به بانگردێن ئەیگێڕن بۆ ئەوەی قوڕەکەی بنیشێتە سەر یەک و ئاو دانەدا. نالییی ئەڵێ حوجرەکەی ئێمە ئەوەندە شەق و شڕ بووە بۆ ئەوە ناشێ کای پیا بکەن، گەڵای درەختی پیا ئەکەن وەک بڵێی تازە دارەڕا کرابێ، کەچیی لەگەڵ ئەوەشدا گەڵاکان یەک یەک ئەکەنه خوار وەک بڵێی گەڵاڕێزانی پایز بێ.

پێدادەکەن (کم) و (گم) و (من) و (عب) و (خب): پێ وەردەکەن.

واتە: هەر له ئێستاوە که سەرما هێشتا به تەواوی هێرشی نەهێناوە، حوجرەکەی ئێمە ئەوەندە ساردە، سەرمای خۆی سەرمای ئەبێ تیایدا. ئەڵێی حوجرەکە دەواری چوار تاقە و سەرمای تێ خزاوە، بۆیە سەرما که دێتە ژوورەوە، به هەر لایەکدا ئەڕوا تووشی سەرما ئەبێ.
زیادەڕەییەکی ئێگجار باڵایە، نالییی حوجرەکە ئەوەندە به سارد بداتە قەڵەم، تەنانەت سەرما خۆیشی سەرمای ببێ تیایا.
ئەشگونجێ مەعناکەی هەر ئەوەندە بێ: هەر له ئێستاوە سەرما لە حوجرەکەی ئێمەدا ئەوەندە ساردە.. تاد.

وەها (چن) و (عب) و (من) و (خا) و (خب): وەهای. سەرمای تێدا (کم) و (عب) و (خب): سەرما تێدا. (ت): سەرمای تیا. (خا): سەرما تیا. دەبێ (کم). ئەبێ. تێخزاو (چر): تێ خراو.

واتە: ڕووی ئاسمان هەور دایئەگرێ و، ئێمەش پەژارە دامان ئەگرێ چونکه هەور نیشانەی بارانە و حوجرەکەی ئێمەش باران گل ناداتەوە و، بۆیە به دڵێکی خەفەتبارەوە ئەڵێین خوایە چی بکەین له ژێر میچی ئەم حوجرە کاولەدا که بۆ ئەوە ناشێ کەسی تێدا بمێنێ؟ !

دەبێ (کم): ئەبێ. (گم): دەبێ و. ئێمەش (چر) و (عم) و (کم) و (ک) و (اح) و (خا): ئێمەیش. دەڵێین (کم): ئەڵێین. خودا (« پەراوێزی » چر) و (ک) و (عب) و (اح): خودایا. (من): خودایە. لە ژێر (چن) و (عم) و (کم) و (گم) و (خب): لەدەس. (« پەراوێزی » چر) و (ک) و (عب) و (اح) و (من): لەم. تیا نەماو (ت) و (عب) و (اح) و (خب): تێنەماو. بەشبەحاڵی (عب) بۆ ( لێ نەماو) یش دەست ئەدا.

واتە حوجرەکەمان ئەوەندە لەوەوە دوورە که پێی بووترێ ژوور، به ڕۆژی هاویندا تەنانەت ئەوەندەی مثقاڵە ذەڕڕەیەکیش شوێنی تیا نامێنێ خۆر نەیگرێتەوە و، ئەوەندەی نیوە مثقاڵه ذەڕڕەیەک سێبەری تیا نییە، هەمووی هەر خۆرە !

ذەڕڕەی (عم): ذەڕڕە. نیمه (عم) و (مز): نیوە. ذەڕڕێک سێبەری تێدا نییە (عم) و (عب) و (خب): ذەڕڕێکی نییه سێبەر تێدا. (ک) و (اح) ذەڕڕێکی سێبەر تێدا نییە. غەیرەز (چن) و (عم) و (ک) و (عب) و (اح) و (خا) و (خب): غەیری.
ئەم بەیتە لە (کم) و (گم) و (من)‌ دا نییە. له هەموو نوسخەکانی بەردەستیشمانا لەم شوێنەدایه که ئێمەش تیاماندا داناوە. بەڵام لامان وایه جێگای ڕاستەقینەی پاش بەیتی داهاتووە.

فەصل - ی یەکەم - (چن) و (ت) و (ک) و (مز) و (اح): وەقتی. ئیستای (« پەراوێزی » چر و خا) و (چن و (عم): زستان. (خب): ئیستا، به ئەئثیرە (چن) و (ت) و (مز) و (اح): به تەئثیر و.

بەردی (چن) و (من): پەردووی. (عم) و (ت) و (عب) و (اح) و (خا): بەرد و. ناکا حەتا مێشیش که (چن) و (ک) و (اح) و (خب): ناکات و حەتتا مێش کە. (عم) و (ت) و (مز): ناکات حەتتا مێش که. (کم) و (من) و (عب): ناکا که حەتا مێشیش. (گم): حەتا مێشیش که.

واته: که تەرزە ئەبارێ، شووشەی دڵ و، سەرمان نەشکێنێ، چونکه هیچ نییه بەری لێ بگرێ، له ڕۆژی بارانیشدا شڕە ئاوی پێوە ڕاناوەستێ. بنیادەمی پێ ناپارێزرێ. ئابڕووی تکاوە، هەموو گیانی بەدەرەوەیە، یاخود ئاوی بارانەکە که نایگرێتەوە خۆی و پیا دێتە خوارەوە ئابڕووە تکاوەکەیەتی.

ڕۆژی تەرزە چەندە مینای (کم): ڕۆژ مینای چەند مینای، دڵ شکێنه و سەر شکێن (چر) و (خا): دڵ شکستە سەرشکێن. (کم) و (گم) و (مز): دڵ شکێن و سەر شکێن.

مەعنای بەیتە و بەیتی پاشەوەی پێکەوە لێک ئەدەینەوە.

نیوەی یەکەمی ئەم بەیتە له نوسخەی (خب) دا بەم جۆرەیه:
ڕۆزی بەرف و با وەکوو ئاش، ڕۆزی باران قوففەیە

واتە: حوجرەکەمان له ڕۆژی بەفر بارینا وەک ئاشی لێ دێ، چۆن ئاش بەهۆی پڕووشی ئاردەوە هەموو لایەکی سپی ئەکاتەوە، ئەمیش بەهۆی بەفرەوە وایه. له ڕۆژی بارانیشدا ئەبێ به قوفە و ئەکەوێتە سەر ئاو. بۆیە هەر کەسێ خاوەنی ئەم حوجرەیه بێ و تیایا بژی، پێویستی به کاسەیەکە بەفرەکەی وەک ئارد پێ لابدا و، سەوڵێکیشی ئەوێ ئاوی پێ لابدا له دەوری ژوورە سەر ئاو کەوتووەکه، نەوەک ئاو بەتاو بیبا.

سەوڵی (چن): قوففە. بەڵام هەڵەیە، چونکه ژوورەکە خۆی کەوتووەتە سەر ئاو و بووە به قوفە. لازمه - ی یەکەم - (ت) و (خا): پێ دەوێ، تا (چر) و (مز) و (عب) و (اح) و (خا): دا.

واتە: ئەگەر ئەم حوجرەیە وەک ئاش نییه، بۆچی هەمیشە پڕە له ئاردەڵۆک و ئەگەر وەک قوفە نییه بۆچیی ئەکەوێتە سەرئاو؟دیارە وەک ئاش وایه بۆیە وا هەموو سووچێکی لەبەر ئاردەڵۆک و، ئەگەر وەک قوفە نییە بۆچیی ئەکەوێتە سەر ئاو؟ دیارە وەک ئاش وایە بۆیە وا هەموو سووچێکی لەبەر ئاردەڵۆک سپیی ئەکاتەوە و، وەک قوفە وایه بۆیە کەوتووەتە سەر ئاو.
وشەی (وەضع) ئیشارەتە به عیلمی (وەضع) که یەکێکه لەو عیلمانەی فەقێ چەند کتێبێکی تیا ئەخوێنن. وشەی (طەبع) یش ئیشارەتە به بابەتی (طەبیعییات) که بەشێکه له عیلمی کەلام.

ئەم بەیتە وەک (حوسنی تەعلیل) وایه بۆ دوو بەیتەکەی پێشەوەی.

دەبێ، دەنیشێتە (کم): ئەبێ، ئەنیشێتە.

نالییی لەم بەیتەدا باسی کاسە و کەوچکی نان خواردن و حەسیر و بەڕە شڕی فەقێکان ئەکا کە لەناو ژووی حوجرەکەدا ئەکەونە سەر ئاو.

لەم دوو نیوە بەیتەدا لەف و نەشری مورەتەب هەیە.

پرژ و (چن) و (عم) و (کم) و (گم) و (ک) (اح) و (من) و (خب): پرش و.

واتە نە به ڕۆژ و نه بەشەو ستار ناگرین. ڕۆژ لەبەر خوڕەی ئاو و شەو لەبەر دەنگی قرژانگ و بۆقی ناو ئاوەکه‌ی..

واتە: ئەو - مەبەستی له ئاوە - لەولاوە کون ئەکاتە دیواری حوجرەکە شتومەکی پیا ئەباتە ژوورەوە و لێیەوە ئەباتە دەرەوە و، منیش لەوم لاوە سەرسام ئەبم وەک کەسێک ماڵیان بڕیبێ و ماڵیان به تاڵان بردبێ، نازانم چی بکەم.
ئەو (چن) و (عم) و (کم) و (ت) و (ک) و (مز) و (عب) و (اح) و (من) و (خا): ئاو. تێدەخا (کم): تێ ئەخا. دەبا (کم): ئەبا. ماڵ بڕاو و ماڵ براو (چر): ماڵ بڕاو و ماڵ بەراو. ئەم نوسخەیە (بەراو) ی بە به (بەر ئاب) لێکداوەتەوە. ڕاستەکەی هەموو ئەو نوسخانەی نووسیویانه‌ (براو) و گیرە (شەددە) یان بۆ (ر) که نەکردووە، لەوانەیه مەبەستتان (بەراو) بێ.

واتە: وەک چۆن ژنی دووگیان وردە وردە سکی دەرئەپەڕی، حوجرەکەی ئێمەیش وا سکی دابوو، لامان وابوو تا بەهاری داهاتوو خۆی ڕائەگرێ و له بەهارا ئەڕووخێ. بەڵام خۆی پێ ڕاگیر نەکرا، هەر له پایزدا قەوماندی و سکه‌که‌ی دانا و له باری چوو و ڕووخا..

حوجرەکەی (عم) و (کم) و (گم) و (ک) و (عب) و (خب): حوجرەمان. ئاوس بوە بە وەعدەی خۆی (عم) و (کم) و (گم) و (عب) و (من) و (خب): ئاوس بووە وەعدەی.

واتە: حوجرەکەمان لەبەر ئەو هەموو ئاوەی لە سەر بان و دیوارەکانیەوە هەڵیمژیبوو، سکی نیشتبوە زەویی، ئەتوت ئافرەتی سک پڕە، کەچیی بەهۆی هەور و هەڵا و هەوای ناسازەوە تلیسایەوە و تەپیی، بۆمان دەرکەوت نوطفەکەی ناو سکی هێشتا هەر ئاو بوو نەبووبوو به خوێن و گۆشت..
پەیوەندی (بەرهاویشتن) به هەور و هەڵاوە لەم بەیتەدا لەوەوەیە که گەلێ جار وائەبێ چرۆ و گوڵی تازە دەرکەوتووی درەخت بەهۆی با و بارانەوە ئەوەرێن و ئەکەونه خوار و ئیتر ئەوە وەک مناڵ لەبارچوون، وایه بۆ درەختەکان.
نالییی لەم بەیتەدا ئەوەی هێناوەتەوە پێش چاو کە زۆر جار وائەبێ سەربانی خانووی قوڕی لادێکانی کوردەواریی بارانێکی زۆری تیا ئەوەستێ و سەربانەکه‌ چاڵ ئەبێ و وردە و وردە دیوار ئەو ئاوە هەڵ ئەمژێ و ئەتەپێ. جا که ڕووخا دیارە چیی ئاو له سەر بانەکه‌ ماوە هەمووی ئەڕژێ وەک بڵێی له سکی دیوارەکەوە ڕژابێ. ئەو نوطفه و سک و بەرخستنەی نالییی لەم بەیتەدا پیشانی داوە ئەمەیە.

لەم بەیتەدا چوار ئیستیعارەی موصەڕرەحە هەیە له (ئاوس بوون) و (زان) (وەضعی حەمل) و (نابەکامیی) دا.

توومەزا (عم) و (گم): نەزا. (کم) و (خب): تومەز. به پێی ئەم نوسخانه ئەبێ (ئەرضی و) به (ئەرضییو) بخوێنرێتەوە.

مەعنای ئەم بەیتە و بەیتی داهاتوو پێکەوە دێ.

تەرزەی که (چر) و (کم) و (ت) و (ک) و (عب) و (اح) و (من) و (خب): تەرزێکی یا تەرزەیکی. (عم): تەرزەیکی. (گم): تەرزێکی. لێدا (عم) و (مز) و (عب): لێدا و. بەردەبارانمان (ت) و (خا) و (مز): بەردەبارانی.. دەکا (کم): ئەکا. پساو: (چن). نوسخەکانی تر هەموو: شکاو. چونکه وشەی (شکاو) له بەیتی داهاتوودا دووبارە بووەتەوە. ئێمە (پساو) مان لێرەدا پەسەند کرد، قوون (کم) و (گم) و (من): قنگ.

واتە: که تەرزە ئەبارێ تەرزەکەی ئەوەندە زل و ناقۆڵایه‌ سەری بنیادەمی پێ ئەشکێ. بۆیە سوختەکان به سەر و پەراسووی شکاو و قنگی دڕاوەوە، چاکی لێ ئەکەن بەلادا و داوێنیان هەڵ ئەکەن و به هەڵەداوان ڕائەکەن بۆ دووکانی جەڕڕاح و حەکیمەکان تیمارێکیان بکەن.

ڕادەکەن (کم) و (من): ڕائەکەن، دوککان (چر): دوککان و. چاک و (چر) و (عم) و (ت) و (ک) و (مز) و (عب) و (اح) و (خب): چاکی. دامەن (چن) و (ک): داوێن. (عم) و (کم) و (گم) و (عب) و (خا) و (خب): دامێن.

واتە: پیاوەتیی بانگوش بو بانەکەی نەگێڕا و، بەهۆی ئەوەوە بانەکە دڵۆپەیەکی زۆری کرد و، ناوەوەی پڕ بوو له ئاو و، ئێمەش کەوتینه سەر ئاو و خنکاین و، لەم حوجرەدا بۆمان دەرکەوت و زانیمان کەوا خنکاو ئەکەوێتە سەر ئاو و ناکەوێتە بنی.

بانگوش (عم): بانکوت. حوجرەدا (عم): و (گم): حوجرەیە. زاناندمان (چر): زانانمان.

نالییی لەم بەیتەدا ڕوو ئەکاتە بانگوشەکە، که دیارە له ناوەختا هاتووە بانەکه بکوتێتەوە و له کاتی پێویستا به قوڕ سواغی نەداوە تا که باران باریی دڵۆپە نەکا.. پێی ئەڵێ: تۆ له کاتی خۆیدا نەهاتی قوڕ بکه‌ی بەسەریا تا بۆ خۆی داسەکنێ و ئۆقرە بگرێ، ئێستاش لێی گەڕێ، دەس مەکە به کوتانەوەی و پێلەقەی لێ مەدە، بابۆخۆی بەتاو بگریی و هەر دڵۆپەکە بکا..
پەیوندی (قوڕبەسەراکردن) و (تەسکین بوون) لەوەیەوە که ئافرەتی تەعزییەبار، کەفوکوڵی گریانی ئەنیشێتەوە، بەڵام قوڕی بە سەر و شانەوە هەر ئەمێنێ. جا ئەگەر قوڕی نەدابێ لەسەر و شانی، ئەوە وا ئەگەیەنێ هێشتا تازە سوێیە و له گرمەی گریاندایه.

لەم بەیتەدا دوو ئیستیعارەی موصەڕڕەحە هەیە له (قوڕ بەسەراکردن) و (گریان) ـ‌دا.
نەبوونی نازناو له نوسخە پشت پێ بەستراوەکانی ئەم پارچە شیعرەدا (ئێمە لەو باوەڕەداین ئەو نوسخانه‌ی نازناویان تیایە، نووسیارەکان خۆیان گۆڕیویانە، چونکه داڕشتنی دوا بەیت لەو نوسخانەدا هونەرمەندانه نییە.) و گواستنەوەکەی نالییی له باسی غائیبەوە بۆ خیطاب و ڕووی دەم تێکرن، لەوانەیە نیشانەی ئەوە بێ که پارچە شیعرەکە ناتەواو بێ و چ له پێش دوا بەیت و چ لە دوایەوە فەوتابێ.
نالییی لەم پارچە شیعرەیدا چوار تەعبیری کوردیی بەکار هێناوە، ئەوەندەی ئێمە ئاگامان لێ بێ بەر لەو کەس بەکاری نەهێناون: (١) لە بەیتی یەکەمدا تەعبیری (کون تێیە) واتە: که کونی تیایە. (٢) له بەیتی پێنجەمدا تەعبیری (وەها سەرمای تێدا سەرما دەبێ) که ئەبوو بیوتایە:
وەها سەرما تێیدا سەرمای دەبێ، (٣) له بەیتی شەشەمدا تەعبیری (هەورین) که ئێمه ئەڵێین: هەوری پێوەیە. (٤) له بەیتی بیست و دووهەمدا تەعبیری (زاناندمان) که فیعلی جووڵاو و (متعدی) یە و ئەو له جیاتیی نەجووڵاو (لازم) بەکاری هێناوە. ئەمانه هەموو نیشانەی دەوری نالییین له بۆ پێشەوە بردنی زمانی کوردیدا.

چونکه (کم) و (گم) و (من): تۆ که. نەتکرد (مز) و (خا): نەیکرد. تاوەکوو تەسکین ببێ (چن): تا وەکوو تەسکین بێ. (عم): نالییی تا تەسکینی بێ. (کم) و (گم) و (من): نالیییا تەسکینی بێ. (ت) و (مز): تاوەکوو تەسکین دەبێ. (عب) و (خا): تاوەکوو تەسکینی بێ، پێلەقە (ت) و (ک) و (اح): پێلەقان. تووخودا (کم) و (گم ) و و (ت) و مز) و (من): تووخوا. بڵا (مز): بڵێ. بەناو (چن) و (عم) و (مز) و (عب ( و (اح) و (خا): تەواو.