نالییی لەم پارچە شیعرەیدا تەعریفی گوێدرێژێکی خۆی ئەکا، کە ڕۆژێ لە ڕۆژان بوویەتی و دیارە سوودێکی زۆریشی بووە بۆی. ئەڵێ: کەرێکی زۆر چاکم هەبو.. چۆن کەرێ بو ! تێکسمڕاو و جوان داڕێژراو، پەیکەرێک بو، بەرەو ژوورە و بەرەو خوارەی هەموو تەی ئەکرد، وەک گوێدرێژی تر نەبو کە ناتوانن بە بەرەو ژووردا سەرکەون و لە بەرەو خوارەدا داپەڕن... تاد
نالییی کە لەم شیعرەیدا وتوویە « هەی کەرێکم بوو...» و نەیوتووە « من کەرێکم بوو »، چەند مەبەستی بووە. یەکەم: ئەگەر بیوتایە « من..» تاد لەوانەبو ئەوەی ئەیخوێنێتەوە بسڵەمێتەوە، چونکە بەر لە تەواوکردنی نیوە شیعرەکە، مەعناکە باش نایەت.. دووهەم: وشەی « هەیکەر » خۆی لە فارسیدا بە ئەسپی کوێت ئەڵێن و نالییی گەیاندنی ئەم مەعنایەشی مەبەست بووە. سێهەم: « هەی کەر » مەعنای بانگەوازێکیش ئەگەیەنێ و ئەمەش بۆ ئێرە زۆر لەجێیە. چوارەم: دروست‌کردنی جۆرە هاوئاوازییەکیشی لەنێوان (هەی کەر) و (پەیکەر) و (طەیکەر) دا مەبەست بووە. بۆیە دیارە ئەوەی کە لە (عم) و (گم) و (من) دا نووسراوە « من..» تاد، هەڵەیەکی ئاشکرایە.

لە کۆکردنەوەی (طەیکەر) و (پەیکەر) دا وشە ئاراییەکی جوان هەیە، هەرچەند ناگاتە پلەی جیناس. لەنێوان (هەوراز) و (لێژ) و (کورت) و (درێژ) یشدا طیباق هەیە. لە (گوێدرێژ) یشدا تەورییە هەیە.

لە هەموو نوسخەکانی بەردەستمانا نووسراوە (چ پەیکەر). بەڵام ئێمە لامان وایە ئەمە هەڵەی نووسیارە و ڕاستەکەی (چو پەیکەر) ە، واتە: وەک پەیکەر، چونکە بەم جۆرە مەعناکە ڕەسا دێ.

کلک ئێستر (مز): کلک و سەر و. سێ بڕ و دوو باد و شەش دانگ و (چر): دوو بڕ و سێ باد و شەش دانگ و. (عم): سێ پەڕ و دوو با و شەش دانگ و. (ک): سێ پەڕ و شەش دانگ و سێ باد و. (من): سێ پەڕ و دوو باد و شەش دانگ و.

لەنێوان (عەلەم) و (قەلەم) و (خڕ) و (بڕ) دا جیناسی لاحیق هەیە. عارەق نەڕێژ (مز): عانیق درێژ، واتە مل درێژ.

واتە: شینکار بو وەک خۆڵەمێش، بەڵام تۆزەکەی ئەوی پێوە نەبو. ئەشبریسکایەوە وەک پیرۆزە، بەڵام بریسکانەوەکەی هیی ئەوە نەبو کڕێشی پێوە بێ.

لەنێوان (زەرق و زەڕڕاقی) و (بەرق و بەڕڕاقی) دا جیناسی ناقیص هەیە.

لە نیوە شیعری یەکەمدا ئیشارەتێک بە وتەی (کەر و خۆڵەمیش) کراوە.
لاکین (چر) و (کم) و (من): ئەمما.

واتە: سمی کەرەکەم وەک بەردی یەشم وابو، ساف و بێگەرد بو، لە تووکی پێیدا نوقم بو. چاوەکانیشی وەک بیجادە یا وەک گەوهەری شەوچراغ وابوون دەوروبەری خۆیان ڕووناک ئەکردەوە.

لە (یەشم) و (پەشم) دا بە لەفظ جیناسی لاحیق و بە مەعنا طیباق هەیە، چونکە یەکەم ڕەق و دووهەم نەرمە. لە کۆکردنەوەی (پێ) و (سەر) یشدا تەناسوب و طیباقیش هەیە، لەو ڕووەوە کە هەردوکیان دوو ئەندامی لەشن و یەکەمیان نزمی و دووهەمیان بەرزیی ئەگەیەنێ.

دوو (مز): وەک. *

واتە: گوێرێژەکەم گوێرێژێکی ئەوەندە چاک بو کورتانی بەرزی لێ ئەکرا و باری زۆری هەڵئەگرت (مەبەست لە بەرزیی بار زۆرییەتی). ئەسپی کۆتەڵی ئەبەزاند، یاخود کورتانەکەی بە زین ئەچوو. زۆر لەو بنیادەمە گوێ کورت و گێژ و وێژانە وریاتر بو کە وەک ئەسپی بار بردن وان و هەر بۆ ئیش پێ‌کردن باشن.

لە کۆکردنەوەی هەردوو (پاڵانی) دا طیباق و جیناس و لە کۆکردنەوەی (گوێ کورت) و (گوێ درێژ) دا طیباق هەیە.
گوێ درێژی (چر) و (ک): گوێ درێژ و. گوێ کورتانی پاڵانی و گێژ (چر) و (اح): لە صەد ئینسانی هەرزە و گێژ و وێژ.

ڕەضا و (چر) و (عم) و (مز) و (عب) و (من): ڕەضا. (کم) و (گم) و (عب) و (من): نەبێژ.

ڕێگەی (عم) و (کم) و (گم) و (ک) و (اح) و (من): ڕێگە و. خۆش سلووکتر (ک) و (اح): خۆش جڵەوتر. وێڵداشی (عم) و (گم) و (ک) و (مز) و (اح): ئینسانی.

نالییی کە ئەم زاراوانەی کوڕی خواپەرستانی خواستووە و لێرەدا بەکاری هێناون، تەنها مەعنا زمانییەکەی مەبەست بووە. ئەیەوێ بڵێ گوێرێژەکەم بەدرێژایی ساڵ بە ڕۆژ هیچی نەئەخوارد، چونکە هەر خەریکی ڕەنجدان بو و ماوەی ئالیک خواردنی نەبو. بەڕۆژوو بو، بەڵام فەرقی لەگەڵ ڕۆژووەواندا ئەوەبو ئێوارە نییەتی ڕۆژووی سبەینێی نەئەهێنا. بە شەویش تا بەیانی بە پێوە ئەوەستا، سەری دائەنەواند، سلووکی ئەکرد، بەڵام سلووکەکەی نوێژی لەگەڵ نەبو.
دووریش نییە هەر مەبەستی پلار تێگرتنی سۆفییەکان بووبێ.. هەموو ئەزانین دانووی لەگەڵیان نەکوڵاوە.

ئەم شیعرە لە نوسخەکانی (ت) و (مز) و (اح) دا نییە. وابزانین ئەوانەی ئەو نوسخانەیان نووسیوەتەوە، ئەو شیعرەیان بە بێ ئەدەبیی زانیوە بەرابەر بەڕۆژووەوان و شەونوخنی کێشانی خواناس، بۆیە نەیاننووسیوەتەوە.

ئەم شیعرەی نالییی هەسێکی بەرزی (دڵ بە گیانەوەرانا سووتان) ی تیایە. نالیی، بەرابەر بەم شیعرەی شایانی ئەوەیە بە یەکەم هونەرمەندی کوردی گیانەوەردۆست دانرێ.

چەندە (عم) و (کم) و (گم): هێندە. زوبانی حاڵی دەیوت (من): زوبانی حاڵ کە دەیگوت.