بەیتە تورکیەکەی لاپەڕە 219:
نفس ساعت گیپی ایشلرسە گریاد ایلە طاعتدر
بر انک قورمەسی پیریولنە احیای ساعتدر

لە واتای «احیای ساعت» دوو جۆر لێکدانەوە کراوە، یەکیان بە مەعنای کات، واتە: زیندووکردنەوەی شەوە بە تاعەت. دووهەمیان زیندووکردنەوەی سەعاتەکە خۆی. وابزانم واتای سێهەمی هەیە کە «قیامەت» ڕادەگەیەنێ تاعەتەکە درێژ دەکاتەوە هەتا ئەو ڕۆژە. لە ئایەتی «ان الساعة أتیة لاریب فیها» و حەدیثی «جئت والساعة کهاتین» وشەکە قیامەتی لێ مەبەستە. ئەو حەقەشم هەیە بڵێم، کە لە بەیتەکەدا چ هێمایەکی ئەوتۆ نەبێ وشەکە بۆ شەو بباتەوە مەگەر عادەتی سلوکی شەوانە کە لە لاوە دەزانین هەیە، ماناکەی «قیامەت» حەوجە بە پاڕانەوە نییە بۆی تا قبووڵ بکرێت، وەک مووی لووت بە لمبۆزی بەیتەکەوە دەنووسێ.