واتە: برۆکانی تۆ پزیشکی دڵدارە دڵ بریندارەکانتن، بۆیە هەمیشە بە ڕاسەری نەخۆشەکانەوە ڕاوەستاون.

لە وشەی (پیوستە) دا لەطافەت هەیە چونکە هەم مەعنای (هەمیشە) و هەم مەعنای (پەیوەست) و (یەکگرتووەوە) ش هەڵئەگرێ. هەروەها لە وشەی (بیمارانند) یشدا لەطافەت هەیە، چونکە هەڵئەگرێ بە مەعنا (نەخۆش) بێ و هەڵیش ئەگرێ بە مەعنا (مەست) بێ. ئەوەتە ئەوترێ (چاوی بیمار) واتە (چاوی مەست). واشە، برۆ بەسەر چاوەوەیە !

واتە: من هەرگیز ناوێرم سەیری گەنجینەی ڕوومەتی تۆ بکەم، چونکە ڕەشمارەکانی زوڵفت بەسەر ئەو گەنجینەوە نووستوون و ئەیپارێزن. ئیشارەتە بەو ئەفسانەیە کە ئەڵێ مار بەسەر گەنجینەوە پەپکە ئەکا.

واتە: ئێمەی بولبولی نەغمەخوان کە ڕۆژ تا ئێوارە بە باڵای تۆدا ئەخوێنین، لەتاو دەرد و خەفەتی دووریت گرفتار بووین و هەر ئەم چڵ و ئەو چڵ ئەکەین و لە پێگەیشتنت نائومێد بووین. کەچی دڕک و داڵ هەمیشە بەلای گوڵی ڕووتەوەن. ئاشکرایە بلبل بەسەر چڵی درەختەوە نەبێ نانیشێتەوە، کەچی دڕک و داڵی بنی گوڵ هەمیشە هاوسەری پەڕەی گوڵن.
ئەتوانرێ وشەی (هزار = هوزار) بە (هەزار) یش بخوێنرێتەوە، واتە: ئێمە کە هەزاران دڵدارین.. تاد.

واتە: ڕێم لێ مەگرە بەسەر ڕێ و شوێنتا بگریم و فرمێسک بڕێژم. گوڵزاری باخچەکەت چاوەڕوانی بارانە پێی بگەشێتەوە. بۆیە منیش بارانی فرمێسکی خۆمی بەسەرا ئەڕێژم.

واتە: چاوە مەستە خەواڵووەکانت، خەویان لە چاوی عالەم بڕیوە و بوون بە ڕێگری ڕێ و تاڵانکەری ماڵی ئەو دڵدارانەت کە لەتاو دەردی دووریت خەو لە چاویان حەرام بووە.
زیادەڕەوییەکی ئیجگار شاکارانەیە: خەوتوو خەو لە خەڵک حەرام بکا و ڕێگا لە بێداران بگرێ.

لە کۆکردنەوەی (خفتگان) و (بیداران) دا طیباق هەیە

بردند (عم): بستند.

واتە: نالیییا ! بەدکارەکانی بەردەرگای ماڵی یار، هەرچەند شەو تا بەیانی هەرایانە، هەراکەیان لەوەوە نییە کە دڵیان پێوەیەتی، تەنها ئەوەیان ئەوێ دڵی دڵدارەکانی بریندار بکەن و جگەریان بخۆن و نەهێڵن بە دیداری شاد ببن.

ار چە (عم) و (ک) و (مز): از چە. نالانند (چر) و (ک) و (مز): بیدارند.