واتە: بەهۆی ڕەنگی ڕوومەتی جوانی تۆوە ڕووم زەرد هەڵگەڕاوە، جا یا لە خەفەتی دووریت یا بەهۆی شەرمەزار بوونەوە لە بەرچاوی خەڵک. باڵای وەک سەرو بەرزی جارانیشم بەهۆی باڵای جوانی تۆوە وەک کەوان چەمیوەتەوە، یا بەهۆی چەماندنەوە جوانەکەی تۆوە بووە بە کەوان، کەواتە وەرەوە بۆ لام تا منیش بچمەوە سەر دۆخی جاران.

واتە: ئەو کەسەی لە خانەدانی تۆ دوور کەوتووەتەوە و نامۆ و بێکەس و هەژار کەوتووە (کە منم)، بەهۆی زوڵفی چینچینی تۆوە جگەرسووتاو و ماڵوێران بووە، کەواتە دە وەرەوە !

واتە: هەرگیز بەزەییەکت بە حاڵی مندا نایەتەوە، ئاخر خۆ من بەندەی کۆنی خاڵی بەردەرگای خۆتم، دە وەرەوە !

واتە: هەرچیم لێ ئەکەی ئامادەم. ئەگەر سەرم ئەبڕی، ئەوە تێغی تۆ و ئەمەش گەردنی من. ئەگەر بناخەی گفت و پەیمانیشم لەگەڵ دائەنێی، دەسم دامێنت، دە وەرەوە !

واتە: تاکەی، گیانە، چاوم دڵۆپ ئەکەی بە خوێن؟ کوا. تۆ کەی وا دەرئەکەوێ گفت و پەیمانت لە ئەستۆ گرتبێ، دە وەرەوە ! ڕێیشی تێ ئەچێ (کابینتە) هەڵەی نووسیار بێ و ڕاستەکەی (کابینتە - کە ئایینتە) بێ، واتە: کوا، کەی گفت و پەیمان ڕاگرتن ڕەوشتی تۆیە؟

واتە: ئەگەر باوەڕ بە نالییی ناکەی، بە خەیاڵت بفەرموو منی بە بیردا بێ و ببینێ چۆن لە سووچێکا کەوتووم خەریکی ئاوازی ناڵینم لەتاو دووریت.. دەسا وەرەوە.
ڕێیشی تێ‌ئەچێ (ناڵینتە) هەڵەی نووسیار بێ و ڕاستەکەی (بالینتە) بێ، واتە: لە سووچی جێگە سەرەکەتا کەوتووم ئەناڵێنم..
ئەم پارچە شیعرە لە هیچ کام لە دەستنووسەکانی بەردەستمانا و هەروەها لە چاپەکەی (کم) یشدا نییە. دوکتۆر مارف خەزنەداریش ئەڵێ هێشتا بۆم ڕاست نەبوەتەوە هیی کێیە، بەڵام بە هیی نالییی نازانێ. (د. مارف خەزنەدار، چەند پەراوێزێکی دیوانی نالییی، کانوونی دووهەمی کوردستان، ژمارە ٣٤، کانوونی یەکەمی ١٩٧٥ و کانوونی دووهەمی ١٩٧٦). پارچەکە هەرچەند سادەیە، شەقڵی نالیییشی پێوە دیارە.