واتە: ئازیز ! تا گیانێکم تیابوو جارێک به وەصڵی خۆت دڵشادت نەکردم.. دەسا هیچ نەبێ ئیستا کەوا دەردی دووریت فەرشی ژیانم ئەپێچمەوە و کۆچی دوایی ئەکەم. وەرە تۆزێ به سەرما بگریی و کەمێک شین و ڕۆڕۆم بکه.

بدەشین و نەدب و واوەی: نەمە تێکستی (چن) ە. ئەمەش تێکستی نووسخەکانی تر وەک خۆیان: (چر) و (ت) و (عب) و (اح) و (خب): به شین مذهب وی. (عم) و (گم) و: به شینی مەذهەبی دەی.(کم) و (من):
بەشین و مەذهەب و وەی. دەکەم (کم) و (من): ئەکەم.
ئەم بەیتە له (خا) دا نییە.
له دەسنووسێکی دیوانی نالیییدا که وەختی خۆی دەست کاک موحەممەد موصطەفا هۆشەنگ کەوتووە و لەگەڵ نووسخە چاپه‌که‌ی (کم) دا بەراوردی پێ کردووە و وێنەیەکی بەراوردەکەی بۆ ناردووین٭، لەم پارچە شیعرەدا، له پاش ئەم بەیتەوە، ئە بەیتەی خوارەوەش هەیه:
عەزیزم! بۆ ویصالت، ناڵه تاکەی!
هەتا کەی، چاوەکەم، دەردم! دوا کەی!
لە دەسنووسەکەی کاک هۆشەنگدا (تا کەی) به (ناکەی) نووسراوە، دیارە هەڵه‌یه.

واتە: تۆ هەرگیز به دەربەستی دڵی منەوە نەبوویی.. توخوا ئەمجارە تۆزێ دڵم ڕاگرە و هاوبەشی دەردم به. ئەزانیی ئەچمه ئەو شوێنەی که دانیشتووانی هەمیشە به غەریبیی ئەمێننەوە و ڕێیان ناکەوێتەوە ناو کەس و کاریان (مەبەستی لەگۆڕستانه).. سا توخوا ئەمجارە چاوت مەڕێژه و با تۆزێ نیشانه‌ی گریان به‌چاوتەوە دیار بێ...
* لەباسی « ئاخۆ دەسنووسێکی (دیوانی نالییی) هەیه به خەتی نالییی خۆی ؟ »، له دوا لاپەڕەکاندا، به درێژیی باسی ئەم دەسنووسە کراوە.
نالییی ئەیەوێ بڵێ یار ئەوەنە دڵڕەقە پرسە گرتنیشی له پرسە گرتنی خەڵک ناچێ. خەڵکیی که کەسێکیان ئەمرێ بەرگی بەرگەی ڕەش ئەپۆشن.. ئەمیش که ‌دڵدارێکی دڵسۆزی وەک منی ئەمرێ (ڕەش) ناکاتەبەری، ئەیکاتە چاوی.. دیارە ئەم ڕەشکردنە چاوەش‌ وەک ڕەشپۆشی نییە و، نیشانه‌ی شادییە، بۆیە نالییی پێی ئەڵێ ڕەش مەکەرە چاوت و با تۆزێ نیشانه‌ی خەفەتت پێوە دیار بێ، بەڵام به‌شێوەی ئەوە پێی ئەڵێ کەوا بڵێ: به مەرگی خۆتت سوێند ئەدەم خەفەتم بۆ مەخۆ و (ڕەش) م بۆ مەکەرە چاوت..

دەزانیی (چر) و (عم) و (گم) و (ت) و (عب) و (خب): دەزانم. (کم) و (من): ئەزانیی. دەچینه (« پەراوێزی » چر) و (کم) و (ک) و (اح) (من و (خا): ئەچینه. (عم) و (گم): دەچێتە (؟).
له دەسنووسەکه‌ی لای کاک هۆشەنگدا، له پاش ئەم بەیتی دوو هەمەشەوە، ئەم بەیتە هەیه:
بشمکه شەق شەق و لەت لەت لەپاشان
حەطەب سۆزم کەی و خاکم به با کەی!

واتە: نازت لەسەرمه چونکه خۆشم ئەوێی، بۆیە ئەگەر پاش مردنیش کەللەسەرم پڕ بکه‌ی له کا و لە مەیدانا وەک گۆ یاریی پێ بکه‌ی، ئەوەندەی دەنکه‌ جۆیەک گله‌ییت لێ ناکه‌م.
(پڕکردنی کەللەسەر لە کا) کینایەیە له کرداری وا نیشانه‌ی ناحەزیی و دوژمنایەتی بێ.

له‌نێوان (گله) و (کەلله) دا بە پێی ڕێنووسی کۆن جیناسی لاحیق و، له‌نێوان (دەنکه‌ جۆ) و و (کا) یشدا تەناسوب هەیه.

ئەوەندەی (کم): ئەمه‌ندەی.

ئەم بەیتە وەک تەواوکەری بەیتی پێشوو وایه. واتە: گلەییت لێ ناکەم هەرچیم لێ بکەی، چونکه من دڵدارم و، دڵداریش لای وایه هەرچیی له یارەوە بێ خۆشە.. بۆیە هەمیشە دەسەو دوعام له خوا ئەپاڕێمەوە ئاخۆ کەی بێ بە تیرێکی نیگای ستەمکارت شەهیدم بکەی.
ئەشگونجێ مەبەستی نالییی هەر دەربڕینی سۆزی دیدار بێ و، بەیتەکه‌ پەیوەندی به بەیتی پێشووەوە نەبێ.

وەقتم (عم) و (کم) و (عب) و (من) و (خب): وەختم. (گم): کاتم !!. داخۆ (کم): ئاخۆ، بێ (کم) و (ت) و (من): دێ، (گم): بێی.

واتە: چەند خۆشە وەک تانجیی بەدواتا ڕاکەم و پیاتا نەگەمەوە و لەخەفەتی ئەوەدا بنووڕێنم و، تۆیش وەک وەک ئاسکی دەشت هەڵبێی و بدەیتە غار و.. بەو چەشنه له نێوان ئومێد و نائومێدیدا بم !

تازیی (چر) و (عب) و (من): تاژیی. غەزاله‌ی (عم) و (گم): غەزالی. ئەم بەیتە و بەیتی پاشەوەی له (چر) دا له شوێنی یەکتردان.

واتە: ئازیز ! له داخی دەردی دووریت عومرم به جارێ لەناوچوو.. مەگەر عومرێکی نوێم پێ ببەخشیتەوە و زیندووم کەیتەوە، ئەوەش بەوە که به وەصڵی خۆت شادم کەی..

واتە: ئازیز تۆ پێت وتم بمرە، دێمە سەرت.. منیش له خۆشیی ئەو مژدەی هاتنەی تۆدا چاوەڕوانی مردنم و ئاواتە خوازیمی.. سا خوایه ئاخۆ کەی بمرم و، ئاخۆ له خۆوە هاتنه‌که‌ی ئەویش که‌ی بێ !
بەم پێیە (بێ) ی یەکەم واته: (ڕووبدا) و فاعیلەکه‌ی ضەمیرە و ئەگەڕێتەوە بۆ مردن و، (بێ) ی دووهەمیش هەر واتە: (ڕووبدا) و فاعیله‌که‌ی (خوداکه‌ی) ی سێهەمه‌ و، واتە (خود ئا کەی) به‌مەعنا (له خۆوە هاتنەکه‌ی) که ضەمیره‌که‌ی ئەگەڕێتەوە بۆ یار.
ئەشگونجێ نیوە بەیتەکه‌ بەم‌ جۆرە بخوێنینەوە:
خوداکه‌ی بێ، کەی بێ خوداکه‌ی!
و (خوداکه‌ی) ی دوایی، وەک هەر له مەعنای پێشوودا به (خودئاکه‌ی) مەعنا لێبدەینەوە، واتە: ئەی خوایه که هەر بۆ خۆت بووبی و خوات بۆ خۆت نییە، ئەم له خۆوە هاتنەی یار به بۆنه‌ی مردنی منەوە کەی بێ و کەی ببێ به ڕاست؟ !.
هەروەها ئەشگونجێ ڕاست و ڕەوان مەعنای نیوە بەیتەکه‌ وا لێ بدەینەوە: خوایه کەی بێ بمرم.. خوایه کەی یارم بێتە سەرم و (خودا کەی) ی سێهەمیش بۆ دووپات کردنەوەی ئەوەی یەکەم و دووهەم بێ.

خودا (کم): خوا، بێ ــ هەردوو جارەکه ــ: (عم) و (کم) و (گم) و (ک) و (من): دێ.