لاپەڕەی 656
مرواریی ئەشک: فرمێسکی وەک دەنکی مرواریی سپیی .
ڕەوان: ڕۆیشتوو، جاریی .
لەعل: بەردێکی گرانبەهای سوورە .
عەقیق: ئافیق، بەردێکی گرانبەهای سووری ترە .
شرۆڤەی مامۆستایانی مودەڕیس
واتە: فرمێسکم وەک مروارییش بە سپیەتیی و، وەک یاقووتیش بە سووریی ئەڕوا لە چاوم.. مەبەستی لەوەیە بڵێ چاوم مروارییش و یاقوتیشی لێ دائەوەرێ.. دەسا تۆیش، کاکەی مەیگێڕ، لە لەعلی لێوی سووری یار شەرابێکی وەک عەقیق سوورم بۆ تێکە، بۆئەوەی ببم بە خاوەنی ئەم هەموو گرانبەهایانە..
دەستنووس
لەو (« پەراوێزی » چن): ئەو. بەم پێیە ئەبێ (شەرابێکی) یش (شەرابێکە) بێ. عەقیقیی (کم) و (عب) و (من): حەقیقیی.
شرۆڤەی مامۆستا مەسعوود
لە بەیتی یەکەمی لاپەڕە 656:
مرواریی ئەشکم وەکوو یاقووتی، ڕەوانە
ساقی! بدە لەو لەعلە شەرابێکی عەقیقی
دەبوو شەرحەکە ئیشارەت بدات بۆ ئەوەی «عقیق، عەقیق» جگە لە بەردی بەقیمەت بە شوێنێکی پیرۆزی حیجاز دەگوترێ ئیتر لە مەککە یان لە مەدینە بێ. شاعیری عەرەب دەڵێ:
ان من عق والدیه لملعو
ن و من عق منزلا بالعقیق
بەو پێیە شەرابەکە دەبێتە بەشێکی ئایین.
لاپەڕەی 655 
لاپەڕەی 657