واتە: چاوی پڕ لە فرمێسکم کە لەبەر زۆریی گریان بووە بە چەم، خەریکە لێڵایی دابێ و تیشکی بینینی لێ تار ببێ. ئەمەش ئەنجامی دوورکەوتنەوەی نووریی ڕوودبارییە.
نالییی ئەم پارچە شیعرەی بەبۆنەی بۆ حەج چوونی (نووریی ڕوودباری) یەوە وتووە کە دیارە یەکێک بووە لە دۆستانی و، وەک بە پارچە شیعرەکەدا دەرئەکەوێ سەر بە تەریقەتی نەقشبەندیی بووە.
لەبارەی ئەم (نووریی ڕوودباری) یەوە ئێمە هەر ئەوەندە ئەزانین لە دێی (ڕوودبار: ڕووار) لە هەورامان بنەماڵەیەکی ئایینیی بووە، یەکێک لەو بنەماڵەیە ناوی (صبغة اللە) بووە. مادەم نالیییش باسی (نووریی) ناوێکی (ڕوودباریی) ئەکا و ناوی (صبغة اللە) ناوێک و (ید اللە) ناوێک ئەهێنێ، ئەبێ ئەو (صبغة اللەی ڕوودباریی) یە ئەمە بێ کە لێرە ناوی هاتووە و ئەبێ پەیوەندێکی بەم (نووری) یەوە هەبێ و وادیارە باوکی بووە و، بەنیشانەی وشەی (شوهوود) یشدا لە بەیتی سێهەمدا، لەوەئەچێ لەوکاتەدا کە نالییی ئەم پارچە شیعرەی دانەوە ئەو نەماوە. هەروەها وادیارە (ید اللە) یش مامی نووریی بووە و، بەنیشانەی وشەی (دەستیار) دا لە بەینی سێهەمدا، وادیارە لەکاتی دانانی ئەم پارچە شیعرەدا لە ژیانا بووە. مامۆستا مەسعوود موحەممەدیش لەبارەیەوە ئەڵێ: « من لەبارەی ئەم (شێخ نووریی ڕووباری) یەوە هەر ئەوەندە دەزانم بەینێک لە کوێی ژیاوە و پیاوێکی بەرچاو و ڕێز لێ گیراویش بووە. بەپێی گێڕانەوەی دەماودەمی باوکم لە باپیرمەوە شێخ نووریی نانی بە شێخایەتیی پەیدا نەکردووە، خۆی خاوەن بەخشێن بووە و بە ماڵی خۆی خزمەتی خەڵقی کردووە »(مەسعوود موحەممەد، چەپکێک لە گوڵزاری نالییی، ١٩٧٦، بەغدا، چاپخانەی کۆڕیی زانیاری کورد، ل 112).

وەقتە: (عم) و (کم) و (گم): وەختە. نووریی (چر) و (چن) و (ت) و (خا): نور.

واتە: ماشەڵڵا نووریی چەند وەستایانە کەوتووەتەڕێ بۆ حەج بۆ ئەوەی دڵی خۆی بە یادی خوا ئاوەدان بکاتەوە. خوا یاری بێ و بەفریای بگا و ئاگاداری ئەو کەژاوەیە بێ کە لە سەفەرەکەیدا تیا دائەنیشێ.

دەچێتە (کم) و (من): ئەچێتە. نیگە‌هداری (چر) و (چن) و (ت) و (عب) و (اح) و (خب): بێ (ی) ی ئیضافە. بەڵام دیارە ئەبێ بە (ی) وە بێ.

واتە: یاخوا ئەم دۆستەم لە وەختی (لَبَّيْكَ.. لَبَّيْكَ) کردنا مەستی حاڵەتی شوهوود بێ و، لە نووری کردەی بێگەردی کردگاردا نوقوم بێ.. لەکاتی ئاو هەڵگۆستنی ڕۆژی هەشتی قوربانیشدا خوا دەست بداتە باڵی و یارمەتیی بدا و کاری بۆ ڕاپەڕێنێ.
وەک پێشان وتمان بەم بەیتەدا دەرئەکەوێ کەوا (صبغة اللە) و (ید اللە) ناوی دووکەسن و لەکاتی وتنی ئەم پارچە شیعرەدا یەکەمیان مردوو و دووهەمیان زیندوو بووە و، بە پێشخستنی (صبغة اللە) یشدا ئەبێ ئەو باوکی نووریی و (ید اللە) مامی بووبێ.

بە وەقتی (عم) و (گم) و (من): بە وەختی. تەلبییە (چر) و (ک) و (اح) و (خا): تەلبییەت. صبغة اللە بێ (عم): صبغة اللهی. تەروییە (چر): تەربییەت. (عم) و (گم) و (من) و (ت) و (ک) و (عب) و (اح) و (خا) و (خب): تەربییە. بەڵام هەمووی هەڵەیە.

واتە: یاخوا لوولەی لافاوی فەیض و بەرەکەتی صەفا و مەروە، تاوتاو، وەک پلووسکی ئاو، لە کانیاوی دڵی پڕ شەوق و سۆزی نووریی ڕوودبارییەوە بڕوا.

لە وشەی (یەنبووع) دا ئیشارەتێک بۆ شاری (یەنبووع) ی حیجاز و، لە وشەی (زەمزەمە) شدا ئیشارەتێک بۆ (زەمزەم) کراوە کە بیرێکە لە مەککە. میزابی: (چر) و (چن) و (ت) و (ک) و (عب) و (اح) و (خا) و (خب): میزاب. دیارە (میزابی) یە.

واتە: ئەگەر نووریی ڕوودباریی لەپاش بەجێ هێنانی فەرزی حەج نیازی مانەوە و خەڵوەتنشینیی و گۆشەگیریی هەیە لە مەککەدا، ئەوا ئەو خوایە هاودەم و ئاگاداری بێ کە ئافەریدەگاری هەموو زیندەوەرانە. خۆ ئەگەر نیازی کۆچکردنیشی هەیە بۆ مەدینە، ئەوا گیانی پاکی خۆشەویستانی خوا هاوکۆچ و هاوڕێی ڕێگای بێ.
وەک لە سەرەتادا ئیشارەتمان بۆ کرد، بەم بەیتەدا دیارە نووریی ڕوودباریی لە پەیڕەوانی تەریقەتی نەقشبەندی بووە.
گوزین (چر) و (کم) و (گم) و (ک) و (عب) و (اح) و (خا) و (خب): گوزین بێ. (من): نوشین بێ. ڕۆحی ( چر) و (کم) و (گم) و (ک) و (عب) (اح) و (خا) و (خب): ڕۆح.

واتە: یاخوا نووریی ڕوودباریی داب و نەریتی حەج بەجۆرێ بەجێ بێنێ خوای نادیاری گومان لێ نەکراو خۆش حاڵ بێ لێی.. هەرچیی هەوڵ و تەقەلایەکیش ئەدا لە ڕێگەی خوادا، لە قاپیی ماڵی خوادا ئەوەندە پەسەند بێ سوپاسی بکرێ لەسەری.

شەعائیر یەکبەیەک: تێکڕای نووسخەکان تیا کەوتبوونە هەڵەوە، ئێمە خۆمان بەپێی ڕێ و شوێن ڕاستمان کردەوە. ئەمەش ئەوەی لە نووسخەکاندا نووسراوە. (چر) و (کم) و (اح) و (خا): شیعارێکی بە یەک. (چن) و (عم) و (گم) و (ت) و (ک) و (عب): شیعاری یەک بەیەک. غەیبی: ئەمە تێکستی (عم) و (کم) و (من) ە. نووسخەکانی تر هەموویان: غەیب. دیارە ئەمیش (غەیبی) یە.

واتە: نووریی نیشانەی ئەوەی پێوەیە کە خوا ڕەنگی ڕشتووە و ڕەنگی ئەوەی پێوەیە و لەو جۆرە بنیادەمانە کە ئەو خۆشی ئەوین، یاخود نیشانەی چوونەوە سەر (صبغة اللە) ی پێوەیە لەڕوویی پیاوچاکییەوە و، لەم بارەوە ناو و خاوەن ناو یەکیان گرتووەتەوە، بێ فڕوفێڵی ئەوە کە ئەو ڕەنگی خواییە پێیەوە نیشانەی شانازیی بەخۆوە کردن و خۆ بە زل زانین بێ.

لەنێوان (نەیرەنگ) و (ئەو ڕەنگە) و (ڕەنگی) دا وشەئاراییەکی جوان هەیە.

ئیسم و: ئەمە شێوە ڕاستەکەیەتی، هەرچەند لە ‌هیچ نووسخەیەکدا وا نەنووسراوە. (عم) و (کم) و (گم) و (من): ئیسمی. بەڵام هەڵەیە. نووسخەکانی تریش هەموو: ئیسم. دیارە ئەبێ (ئیسم و) بێ. لە نیوە بەیتی دووهەمیشدا زۆربەی وشەکانی (نەیرەنگی) و (ڕەنگی)، (ی) ی ئیضافەکەیان پێوە نییە.

واتە: نالییی بەهۆی دوورییەوە لە نووریی ئەوەندە گریا، ئاوی چاوی داهات و کوێر بوو و بو کوێریی بۆ خۆی لێرە ماوەتەوە بەتەنها.. دەسا خوایە بەرەکەتی تۆزی ڕێگەی سەفەری حەجی نووریی بکە بە کلەی چاوی پڕ لە فرمێسکی بۆئەوەی ڕۆشنایی تێ بکەوێتەوە.
لە نووریی (عم) و (کم) و (گم): لە تۆ وا. ئەشکباری: ئەمە تێکستی تەنها (چن) ە. نووسخەکانی تر هەموو: (ئینتیظاری).